Herri baten arnas da kultura,

berau gozatzea da jomuga.

Musika, dantza, eskultura, edo literatura,

badut duda, bihurtu da,

zaindu nahi ez dugun hura.

Kulturak sortzen du interesa,

jantzi nahi duenak, proba beza.

Nahiz politikarien ahoz sarritan eman babesa,

dena presa, gora beza,

ez da sinesten erreza.

Erritmoarekin egin salto,

notaz nota goaz, orpoz orpo.

Musika matematika ta sentimendua delako,

mila malko, dugulako, eskolatik erdi kanpo.

Musika eskola degu plaza,

baña ezin jardun geure kasa.

Borondatez antolatzea ez denez gauza erraza,

txalo jasa, nahi dut pasa,

mantentzearren arnasa.