Sarri bidean azaltzen da etena,

ez aurrera, ez atzera,

geldi geratzen da dena.

Berriz martxan jartzea

izaten da zailena,

gaurkoan etenak isiltzen duen

garrasi ozenena.

Geldiuneak sinonimo du pausa,

edozein izan daiteke

stop bakoitzearen kausa.

Mugimendua falta,

ezin harrotu hautsa,

gure sugarrak piztu dezake

itzalpean dagon errautsa.

Oreka bila gabiltza etengabe,

batzutan haizeak kontra,

besteetan berriz alde.

Zoriaren aurrean

panpin batzuk gerade,

iñor ez baita bela izango

patuaren jaun ta gabe.

Ezinezkoa zoria sahiestea,

patuaren geltokian

beldurrik gabe jeistea.

Erlojua ahaztea, muxua luzatzea,

isiltasunak, pausa arrotzak

keinu hitzez betetzea.

Perfekzioa ez da iñoiz existitu,

egun batzutan gozatu

zein besteetan sufritu.

Bere poz ta bere min,

bizitzak denak ditu,

miñak goxatu, pozak indartu

ta bizitza, zuk berpiztu.